Ovid-Projekt

Im Rahmen des Lateinunterrichts der zehnten Klasse wurden einzelne Szenen von Pyramus und Thisbe aus Ovids Metamorphosen künstlerisch dargestellt. Theresa König verdanken wir die Skizzen.


Pyramus et Thisbe, iuvenum pulcherrimus alter,

altera, quas Oriens habuit, praelata puellis,

contiguas tenuere domos, ubi dicitur altam

coctilibus muris cinxisse Semiramis urbem.

fissus erat tenui rima, quam duxerat olim,

cum fieret, paries domui communis utrique.

 

Callida per tenebras versato cardine Thisbe

egreditur fallitque suos adopertaque vultum

pervenit ad tumulum dictaque sub arbore sedit.

audacem faciebat amor.

 

 

neve sit errandum lato spatiantibus arvo,

conveniant ad busta Nini lateantque sub umbra

arboris: arbor ibi niveis uberrima pomis,

ardua morus, erat, gelido contermina fonti.

 

venit ecce recenti

caede leaena boum spumantis oblita rictus

depositura sitim vicini fontis in unda;

 

 

quam procul ad lunae radios Babylonia Thisbe

vidit et obscurum timido pede fugit in antrum,

dumque fugit, tergo velamina lapsa reliquit.